شيكابالا يسخر من إيقافه: لو قتلت مش هاخد 8 شهور.. وهشتكى اتحاد الكرة للفيفا

الدليل المصري
نشرت منذ 3 أسابيع يوم 5 سبتمبر 2021

شيكابالا يسخر من إيقافه: لو قتلت مش هاخد 8 شهور.. وهشتكى اتحاد الكرة للفيفا

قال محمود عبدالرازق شيكابالا، قائد فريق كرة القدم الأول بنادى الزمالك، إن نادى الزمالك مظلوم.

وتابع شيكابالا: “إحنا مظلومين، وجمهور الزمالك حاسس بكده، وفى الآخر هما -يقصد جمهور النادى الأهلى- اللى بيقولوا إنهم مظلومين، واللى بيقولوا إننا كسبنا بالفار والحكام، ناس بتهزر، هنعمل مؤامرة مع الناس دى كلها؟! بس هتشوفوا هيحصل إيه السنة الجاية فى الدورى”.

وأضاف شيكابالا، خلال تصريحات تلفزيونية: “حازم إمام مشى يوم التتويج وقال لو متضايقين إننا كسبنا متسلموش الدورى لينا، فمشى وأخد إيقاف، وتانى يوم جابوا لى الدرع فى البيت”.

وتابع: “علمت بخبر إيقافى 8 أشهر لما كنت فى أسوان، أتوقع إنى هتوقف إزاى؟!، هل لائحة اتحاد الكرة فيها لو قلت أنت أهلاوى هتتوقف 8 شهور؟.. أنا لو قتلت حد فى الكورة مش هتوقف كده، إيه المشكلة إنى أقول لحد أنت أهلاوى؟! لو قلت أنت زملكاوى فيها مشكلة؟! مفيش”.

وأوضح شيكابالا، نجم الزمالك، أنه لن يسكت على العقوبة التى وقعت عليه بإيقافه 8 أشهر خلال الفترة المقبلة، على خلفية مشادته مع أحمد مجاهد رئيس اتحاد الكرة، وأكد أنه على استعداد للذهاب للاتحاد الدولى لكرة القدم “فيفا” لجلب حهى خاصة وأنه العقوبة التى وقعت على لم تتواجد فى لائحة اتحاد الكرة.

وتابع شيكابالا خلال تصريحاته: “سأتقدم بشكوى فى الفيفا وسأحصل على حقوقى ضد هذا القرار، وفوجئت بقرار إيقافى وكنت فى أسوان وقررت التظلم عليه”.

رابط مختصر

اترك تعليق

لن يتم نشر عنوان بريدك الإلكتروني. الحقول الإلزامية مشار إليها بـ *


شروط التعليق :

عدم الإساءة للكاتب أو للأشخاص أو للمقدسات أو مهاجمة الأديان أو الذات الالهية. والابتعاد عن التحريض الطائفي والعنصري والشتائم.