حرب تصريحات بين إبراهيم سعيد وجماهير الزمالك بسبب شيكابالا

شنت جماهير الزمالك عبر مواقع التواصل الاجتماعي هجومًا خاصًا على إبراهيم سعيد، نجم الزمالك السابق، بسبب انتقاد الأخير لمحمود عبد الرازق شيكابالا، قائد الفريق الأول لكرة القدم بنادي الزمالك.

وأظهر شيكابالا تألقًا ملفتًا في مباراة القمة ضد الأهلي وسجل هدفًا وصنع مثله خلال المباراة التي انتهت بهدفين مقابل هدفين في الدوري هذا الموسم.

وكتب إبراهيم سعيد عبر حسابه الرسمي على موقع التواصل الاجتماعي تويتر: “تعالي بقى اتفرج” ونشر فيديو لمحمود عبد الرازق شيكابالا قديم يؤكد من خلاله توقيعه للأهلي في وقت سابق ليورطه رغم أن شيكابالا في النهاية قرر عدم إتمام الصفقة.

واجه إبراهيم سعيد بعد نشر هذا الفيديو هجومًا وتعليقات هجومية كبيرة من جمهور الزمالك عبر تويتر حيث كتب أسامة دياب: “‏فاكر لما طلعت الكافية علشان تسلم على سيدك وهو مرداش ينزل من العربية ابقى تعالى وأنا أقولك”.

محمد العارف كتب: “‏‎‎‎فاكرين مين اللى كان مستلم شيك ومتبع معاه نفس الأسلوب أه الأقرع اللى اسمه مش عارف مين طلعت، وطلع من فتره اعتذر وكتب إنه كان فيه شخص مخليه يعمل كده، أهو نفس الشخص ده دفع لإبراهيم علشان يكمل المشوار”.

حمادة الأشقر كتب: “‏‎يا كابتن إبراهيم إحنا بنحبك إنت ليه بتحاول تجبر الناس على أنها تكرهك وإنت حتستفيد إيه إنك تهاجم شيكا”.

سليم كتب: “‏‎إنت بتقعد تكتب أنا قلبي أبيض واتعلمت مغلطش في حد والدنيا مش مستاهله وهوب الجماهير سخنتك جريت تنزل فيديوهات بخمسه جنيه قديمة، الراجل مطلعش يرد عليك زيه زي غيره مش فاضينلك ومش بيدوك اللقطه اللي نفسك فيها، وعلى فكرة أنا أهلاوي عشان متقولش بدافع عن شيكا عشان زملكاوي والهري ده”.

التعليقات

اترك تعليقاً

لن يتم نشر عنوان بريدك الإلكتروني.