«واثق في القضاء».. تعليق الطالب المصري على قضية راشفورد ضده

أُثارت قضية رفع لاعب المان يونايتد راشفورد ضجة كبير، خلال الساعات الماضية، على مواقع التواصل الاجتماعي «فيسبوك»، حول تقديم نجم نادي مانشستر يونايتد الإنجليزي اللاعب ماركوس راشفورد، بلاغًا ضد طالب مصري، متهمًا فيه بالعنصرية وتهديده على صفحته الرسمية.

وفي هذا السياق، أشار الطالب المصري محمد عصام، صاحب القضية المرفوعة ضده من جانب ماركوس راشفورد، نجم مانشستر يونايتد الإنجليزي، إلى أن اللاعب لا يعلم شيئًا عن القضية، ولكن الأزمة تخص الشركة التي تدير له حساباته الرسمية عبر السوشيال ميديا.

وغرد الطالب، وكتب عبر حسابه الشخصي على موقع التواصل الاجتماعي «فيسبوك»، قائلًا: «أنا متكلمتش في موضوع اللاعب ماركوس راشفورد ده نهائي لسبب واحد، وأنا المتهم في القضية طبعًا بس خلونا نتكلم بقي أولا كده الناس بتتعامل مع الموضوع على أنه أنت فين وماركوس راشفورد فين؟ بُعد مسافات وبُعد مكانة بينك وبينه.. لكن أحب أقولكم وبكل أمانة وصدق من خالص قلبي أنا وماركوس راشفورد أمام طاولة القانون سواء ودي حاجة بجد أنا اتشرفت بيها من كل قلبي».

وأضاف الطالب: « بجد أنا مش هسيب حد في حاله، ولا هسيب حقي لأني بمتحن وزمايلي عارفين والحوار بقاله سنتين أهو وطبعًا عارفين كم الضغط النفسي من حاجة زي دي»، متابعًا «أنت من ممكن تكون مفبرك إسكرينات لأكونت بنفس شكل أكونتي».

وأكد الطالب: «تواصلت مع راشفورد عن طريق ناس في بريطانيا وقالوا إنه ميعرفش حاجة عن القضية ولا يُدير حسابه الشخصي، لكن في شركة راعية ماسكة الأكونتات بتاعته وطبعًا كله عايز تعويض من طالب دكتور بقى وأهله هيدفعوا وهيخافوا على مستقبله».

وأردف: «إن شاء الله ثقة في الله وفي القضاء المصري اللي مبيفرقش ما بين ماركوس راشفورد»، مشددًا على أنه من عشاق مانشستر يونايتد، وحتى تخصصه في الطب الرياضي، وهدفه أن يصبح طبيبا لهذا النادي.

وانهى: «راشفورد اتعمل عليه حملة عنصرية من أهل بلده لما خسر نهائي أمم أوروبا وضيع آخر ركلة جزاء لأنه ده منتخب بلدهم ويهمهم.. لكن مع مانشستر يونايتد أنا طول عمري بدعم مانشستر وطول عمري بحب مانشستر ومش زعلان حتي من اللي بيحصل لأن مانشستر ده حب حياتي من 13 سنة لحد النهارده، وإن شاء الله البراءة جاية ومش هسيب كل من تسبب في أذى نفسي ليا بعدها وهحطهم تحت طاولة القانون اللي عندي كامل الثقة فيه».

يذكر أن اشتعلت مواقع التواصل الاجتماعي خلال الساعات الماضية، بعد تداول كواليس قضية رفعها ماركوس راشفورد، نجم نادي مانشستر يونايتد الإنجليزي، ضد أحد المشجعين المصريين من محافظة الشرقية، بسبب هجومه عليه بألفاظ عنصرية عبر مواقع التواصل الاجتماعي.

التعليقات

اترك تعليقاً

لن يتم نشر عنوان بريدك الإلكتروني.