لو أنت مسجل كعمالة غير منتظمة، فيه 1500 جنيه هتنزل لك بشكل رسمي، وزارة العمل أعلنت عن صرف منحة عيد الميلاد المجيد بقيمة 1500 جنيه، والصرف مستمر خلال شهر يناير 2026، تقدر تصرف المنحة دي من مكاتب البريد المصري المنتشرة في كل المحافظات.
الأوراق المطلوبة بسيطة جداً، محتاج بس بطاقة رقم قومي سارية ورقم التسجيل اللي يثبت أحقيتك في المنحة، ومفيش أي أوراق إضافية.
الفئات المستحقة للمنحة تشمل عمال التراحيل، الباعة الجائلين، الحرفيين، عمال المنازل، الزراعة الموسمية، وخدام الكنائس وغيرهم.
وكمان حابب أوضح لك إن دي مش منحة واحدة بس، العمالة غير المنتظمة لها 6 منح سنوية في المناسبات، يعني لو اسمك مسجل، اتوجه لأقرب مكتب بريد وخد حقك.